Gërvalla: Po t’i ishte drejtuar Arlinda Qeverisë, ndoshta do të kishte pasur angazhim

Ministrja e Drejtësisë, Donika Gërvalla, ka folur në seancën kushtuar vrasjes së Arlinda Zekajt, duke thënë se viktima i ishte drejtuar drejtësisë, por nuk kishte marrë mbrojtjen që kishte kërkuar.

Ajo ka thënë se Zekaj nuk i ishte drejtuar Qeverisë, duke shtuar se një gjë e tillë ndoshta do të mund të kishte sjellë angazhim institucional, gjithmonë duke respektuar rendin kushtetues të vendit.

“Arlinda i është drejtuar drejtësisë dhe nuk ka marrë mbrojtjen e kërkuar. Fatkeqësisht, Arlinda nuk i është drejtuar Qeverisë, ndoshta po t’i ishte drejtuar Qeverisë, ndoshta do të kishte pasur angazhim, duke respektuar natyrisht rendin kushtetues të vendit tonë.

“Po, do të duhet të ketë edhe shkarkime, mirëpo në rendin tonë kushtetues nuk është Ministri i Drejtësisë ai që shkarkon as prokurorë e as gjyqtarë”, u shpreh ajo.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.