Nëna e gjykatësit që i’u gjetën 350 mijë € në murin e shtëpisë thotë se i bëri duke shitur speca, shalqinj dhe rrush

Në Gjykatën Penale, në seancën e sotme gjyqësore ndaj gjyqtarit të Apelit Gjoko Ristov, dëshmoi nëna e tij, Donka Ristova, tek shtëpia e së cilës u gjetën 350 mijë euro në mur, që u dëshmua më pas se janë paratë e djalit të saj gjykatës.

Ajo sqaroi se në shtëpinë e tyre familjare janë kryer bastisje në dy raste. Herën e parë nuk është gjetur asgjë, por në bastisjen e dytë, e cila ka zgjatur dy ditë, siç tha ajo, i kanë gjetur paratë e saj të fshehura në murin e shtëpisë.

“Ditën e dytë e gjetën vendin tim ku i ruaja paratë. Pas tryezës së punës, prapa frigoriferit. Atje gjeta një vend të përshtatshëm, jo nga tani, jo nga viti i kaluar, por që nga viti 1975, dhe sa herë që më mbeteshin disa para, hapja një pllakë, si një dritare e vogël… në një folje i vendosja paratë, aq sa kisha. Atje kishte 350.000 euro. Ajo ishte garancia ime për pleqëri, për gjithçka, për ditë të vështira. Paratë ishin 250.000 në prerje prej 50 eurosh, ndërsa 100.000 të tjerat ishin në prerje prej 500 dhe 100 eurosh. Ajo para është fituar me mund gjatë gjithë jetës. Nga të gjitha anët. Nga ku do të shisja mall, ne jemi shtëpi bujqësore. Shalqinj, pjepër, speca, arra, kajsi, kishim të gjitha. Kudo shkoja në pazar”, dëshmoi nëna e gjyqtarit Ristov, duke shtuar se kjo ka zgjatur derisa kanë filluar të merren me vreshtari.

Më pas shtoi se për një periudhë është marrë edhe me thurje, madje thurte deri vonë në natë, deri në orën 3 të mëngjesit.

Në pyetjen se a ka ditur dikush tjetër për paratë, ajo tha se askush nuk ka ditur.

Ajo sqaroi se kur shiste speca në Prilep, menjëherë blinte marka, e më pas euro.

“Nuk i numëroja, por i futja në vrën e tullës. Kur ngushtohej azho, në tjetrën”, tha Ristova.

Ajo sqaroi se nga fëmijët kurrë nuk ka marrë asnjë denar. I ka ruajtur paratë që kur të plaket të shtrihet në Geriatri, për çka i nevojiteshin 100.000 euro.(INA)

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.