Ish-kryetarja e PD-së në Sarandë kalon te PS, emërohet nënkryetare bashkie

Manjola Nikollo, ish-kryetarja e Partisë Demokratike në Sarandë është emëruar si nënkryetare e bashkisë së qytetit bregdetar.

Nikollo e ka pranuar propozimin e bërë përpara disa muajsh nga kryebashkiaku Oltion Çaçi.

Emërimi i saj vjen në vazhdën e kalimeve të disa përfaqësuesve nga radhët e demokratëve drejt atyre të Partisë Socialiste.

Më herët, në janar të këtij viti edhe ish-kryetari i Forumit Rinor të PD-së dhe 2 herë kandidat për deputet, Jolio Dine, ka pranuar kërkesën për t’u bërë drejtor i Shërbimeve në këtë Bashki.

Kujtojmë se pak ditë më parë, ish-deputetja demokrate, Zheni Gjergji u emërua drejtoreshë e spitalit të Elbasanit.

The post Ish-kryetarja e PD-së në Sarandë kalon te PS, emërohet nënkryetare bashkie appeared first on Ditar.al.