Kallëzim penal kundër ish-drejtorit, zëvendësdrejtorit dhe pesë punonjësve të Agjencisë së Ushqimit dhe Veterinarisë për “përvetësim në shërbim”

SPB Shkup ngriti kallëzim penal në Prokurorinë Publike të Shkupit kundër Z.A., ish-drejtor i Agjencisë së Ushqimit dhe Veterinarisë, me dyshimin për kryerjen e veprës penale “përvetësim në shërbim” sipas nenit 354 paragrafi 1 i Kodit Penal, F.M., ish-zëvendësdrejtor i agjencisë, me dyshimin për kryerjen e veprës penale “përvetësim në shërbim” sipas nenit 354 në lidhje me nenin 24 të Kodit Penal “ndihmë” dhe kundër L.U., A.R., E.T., A.B. dhe A.B., punonjës të Agjencisë së Ushqimit dhe Veterinarisë, me dyshimin për kryerjen e veprës penale “përvetësim në shërbim” sipas nenit 354 në lidhje me nenin 24 të Kodit Penal “ndihmë”, transmeton Portalb.mk.

“Z.A. në cilësinë e Drejtorit të Agjencisë së Ushqimit dhe Veterinarisë, në periudhën nga viti 2017 deri në vitin 2020, në disa raste, me qëllim që të përfitonte në mënyrë të paligjshme për vete fondet që i ishin besuar në shërbim, për udhëtime pune jashtë vendit në të cilat ai merrte pjesë, ai merrte mëditje në vlerë prej 50%, megjithëse sipas Dekretit për ndryshimin e Dekretit për shpenzimet e udhëtimeve të punës dhe udhëtimeve të punës jashtë vendit, ai duhej të merrte vetëm 20%, sepse shpenzimet e akomodimit dhe ushqimit nuk mbuloheshin nga institucioni. F.M. në cilësinë e zëvendës drejtorit të Agjencisë së Ushqimit dhe Veterinarisë, duke nënshkruar vendimet për miratimin e udhëtimeve të punës jashtë vendit, e ndihmoi Z.A.-në të përvetësonte në mënyrë të paligjshme paratë, ndërsa L.A., A.R. dhe E.T. në disa raste, në kundërshtim me Dekretin e lartpërmendur, përgatitën vendime për miratimin e udhëtimeve të punës jashtë vendit në emër të Z.A.-së, në bazë të të cilave vendimet A.B. dhe A.B. miratuan pagesën e fondeve bazuar në vendime të përgatitura paraprakisht, megjithëse e dinin dhe ishin të vetëdijshëm se vendimet nuk ishin miratuar në përputhje me rregulloren, ata vepruan sipas vendimeve dhe i paguan atij paratë, duke i ndihmuar kështu Z.A. të përfitojë dobi të paligjshme pasurore në shumën totale prej 62.530 denarësh, në dëm të buxhetit të Agjencisë së Ushqimit dhe Veterinarisë”, thonë nga MPB.