Melinda Ademi publikon një fotografi me barkun paksa të fryrë, duket se po bëhet nënë për herë të parë

Reperja e njohur shqiptare me origjinë nga Kosova, Melinda Ademi, prej disa javësh ka hyrë në një kapitull të ri të jetës së saj, duke i dhënë fund beqarisë në një mënyrë tejet intime dhe të komentuar në rrjetet sociale.

Artistja, e cila për vite me radhë ka qenë ndër emrat më të përfolur në industrinë muzikore shqiptare, ka kurorëzuar dashurinë e saj me martesë, me partnerin dhe njëkohësisht menaxherin e saj, Granit Muhaxheri.

Edhe pse ceremonia nuk ka qenë publike dhe çifti nuk ka ndarë shumë detaje me ndjekësit e tyre, lajmi për martesën u përhap me shpejtësi në media dhe rrjetet sociale.

Kjo ngjarje ka shkaktuar një reagim të madh tek fansat, të cilët janë treguar mjaft kureshtarë për të mësuar më shumë rreth jetës private të çiftit.

Fotot e rralla që kanë qarkulluar, ku Melinda shfaqet me unazën e saj të diamantit, kanë mjaftuar për të konfirmuar lidhjen serioze mes saj dhe Granitit.

Në të njëjtën kohë, zërat për një shtatzëni të mundshme nuk kanë munguar.

Prej javësh në mediat rozë po spekulohet se Melinda mund të jetë në pritje të ëmbël, por deri më tani, as ajo dhe as partneri i saj nuk kanë dhënë ndonjë deklaratë zyrtare për këtë çështje.

Edhe pse të dy kanë zgjedhur të ruajnë një profil të ulët lidhur me jetën personale, publiku duket se e ka vënë re një detaj që ka ndezur sërish thashethemet.

Pak ditë më parë, artistja publikoi një video në llogarinë e saj në Instagram, konkretisht në Instastory, ku shihet brenda një avioni privat.

Në pamje, ajo u kujdes të reklamojë unazën e saj luksoze me diamant, por ajo që ra më shumë në sy të ndjekësve ishte barku i saj.

Edhe pse Melinda u përpoq dukshëm që ta fshihte me pozicionimin e duarve dhe me këndin e videos, detaje të vogla nuk i shpëtuan syrit të fansave, duke lënë të hapur shumë pikëpyetje.

Ky moment i vetëm ka mjaftuar që rrjetet sociale të “digjen” nga komentet, analizat dhe spekulimet, ku shumë ndjekës kanë nisur të besojnë se artistja mund të jetë në muajt e parë të shtatzënisë.

Një pjesë e fansave kanë vërshuar me urime dhe komente pozitive, ndërsa të tjerë presin ende një konfirmim zyrtar për të vërtetuar dyshimet që po qarkullojnë.

Pavarësisht gjithë vëmendjes së shtuar, Melinda vazhdon të jetë aktive në rrjete sociale, megjithëse më e rezervuar se zakonisht.

Ajo nuk ka ndarë më shumë imazhe apo informacione që lidhen me jetën e saj personale, duke e lënë publikun në pritje dhe në pasiguri për atë që po ndodh në të vërtetë.

Nëse lajmi për një shtatzëni konfirmohet, atëherë ky do të ishte një tjetër hap i rëndësishëm në jetën e artistes, e cila në vitet e fundit ka arritur një sukses të qëndrueshëm në muzikë dhe ka ndërtuar një imazh të fortë publik.

Deri atëherë, çdo detaj, çdo postim apo paraqitje publike e saj do të vazhdojë të analizohet me vëmendje nga fansat dhe mediat./ORAinfo/