Peci thotë se kanë propozuar 28 dhjetorin si datë për zgjedhje

Bashkëkryetari i Partisë Guxo, Faton Peci, ka treguar se në takimin e sotëm, Presidentja e Kosovës, Vjosa Osmani ka firmosur shpërbërjen e Kuvendit të Kosovë.

Ai tha se presidentja Vjosa Osmani ka vepruar drejt, pasi pati edhe një herë kërkesë dhe lutje ndaj të gjitha partive politike që të mbahej një seancë e radhës sot, për të adresuar disa çështje urgjente.

Peci ka thënë se kanë propozuar 28 dhjetorin si datë ideale për mbajtjen e zgjedhjeve të parakohshme, pas takimit me presidenten Vjosa Osmani.

Sipas Pecit, diskutimi ka qenë mes datës 21 dhe 28. Por siç thot ai, 28 dhjetori është datë më e mirë për shkak se KQZ-ja ka mundësi të përgatitet më mir.

Ai u shpreh i bindur se bashkë me Lëvizjen Vetëvendosjen do të korrin fitore më të madhe se të 9 shkurtit.