Presidenti finlandez: Nëse Putin fiton në Ukrainë, SHBA humbet

Nëse Rusia do të fitojë në Ukrainë, SHBA do të humbasin. Kështu deklaroi presidenti i Finlandës të hënën, ndërsa frika rritet në Evropë për qëllimet e Donald Trump tre vjet pas pushtimit të Moskës.

“Lufta në Ukrainë nuk ka të bëjë vetëm me pavarësinë, sovranitetin dhe integritetin territorial të Ukrainës – ka të bëjë me sigurinë evropiane dhe ka të bëjë me lidershipin amerikan”, tha Alexander Stubb për Reuters.

Stubb tha se ai nuk kishte asnjë shqetësim për fuqinë e aleancës, së cilës vendi i tij iu bashkua në 2023 pas dekadash balancimi të politikës së saj të jashtme midis Lindjes dhe Perëndimit, duke shtuar se Finlanda ishte një “ofrues sigurie, jo një konsumator sigurie”.

“Ne sapo dyfishuam kufirin e NATO-s me Rusinë. Ne kemi një nga ushtritë më të mëdha në Evropë. Ne i kemi mbajtur gjithmonë shpenzimet tona të mbrojtjes, dhe për një arsye të qartë, dhe kjo arsye nuk është Stokholmi, është Moska.”

“Nëse ka një pikë apo një ide të mirëkuptimit se Putini e fiton këtë paqe, atëherë Shtetet e Bashkuara do të kenë humbur, kështu që unë mendoj se ne duhet ta luftojmë këtë deri në fund”, tha ai kur u pyet se cili do të ishte mesazhi i tij për Trump./abcnews.al