Presidenti i përkohshëm i Sirisë: Një mundësi historike për të rindërtuar vendin

Presidenti i përkohshëm i Sirisë, Ahmed al-Sharaa, tha se vendi i tij ka një “mundësi historike” për rindërtim. Duke folur në një samit të dialogut kombëtar të mbajtur në Damask, Sharaa theksoi se Siria duhet të ndërtohet në mënyrë të pavarur, duke theksuar se mundësia aktuale është e jashtëzakonshme dhe duhet të përdoret në interes të popullit sirian, raportoi Reuters.

Ai gjithashtu bëri thirrje për bashkimin e grupeve të ndryshme të armatosura nën një komandë të vetme ushtarake, duke argumentuar se “forca e vendit qëndron në unitetin e tij”.

Në samit morën pjesë delegatë të ndarë në gjashtë grupe pune, të cilat diskutuan çështje kyçe si drejtësia tranzicionale, kushtetuta, ndërtimi i institucioneve shtetërore, liria personale, modeli ekonomik i vendit dhe roli i shoqërisë civile.

Samiti synon të bëjë rekomandime që do të ndihmojnë në formimin e një deklarate kushtetuese dhe përgatitjen e parimeve bazë për një rend të ri politik në Siri. Një qeveri e re e përkohshme është planifikuar të marrë pushtetin më 1 mars.

Edhe pse procesi përfaqëson një ndryshim nga sundimi i mëparshëm i familjes Assad, kritikët kanë vënë në dukje mungesën e përfshirjes, duke thënë se pakicat, si dhe grupet kurde dhe grupet e tjera opozitare, nuk u ftuan në samit./abcnews.al