SHBA vendos sanksione ndaj kompanive ruse të naftës, Vuçiq zhvillon konsultime me ambasadorin rus në Serbi

Presidenti i Serbisë, Aleksandar Vuçiq, ka biseduar sot me ambasadorin rus në Serbi, Aleksandr Botsan-Kharchenko, për marrëdhëniet dypalëshe, stabilitetin energjetik dhe sfidat rajonale, veçanërisht për furnizimin me gaz.

“Vëmendje të veçantë i kushtuam furnizimit me gaz dhe kushteve që sigurojnë siguri, parashikueshmëri të çmimeve dhe diversifikim të mëtejshëm të burimeve”, ka shkruar ai në Instagram.

Udhëheqësi serb ka thënë se qëllimi i tyre mbetet i njëjtë: që, sa i përket NIS-it dhe të gjitha masave e kufizimeve përkatëse, të respektojnë plotësisht detyrimet ndërkombëtare, ndërkohë që mbrojnë “sigurinë energjetike, vendet e punës dhe investimet në Serbi”.

Vuçiq ka thënë se Serbia “do të vazhdojë dialogun, me vendosmëri dhe pragmatizëm, duke mbrojtur interesat e qytetarëve të saj”.

“Jam i bindur se dialogu mbetet mënyra më e mirë për të kapërcyer sfidat dhe për të siguruar një të ardhme të qëndrueshme energjetike për vendin tonë”, ka shkruar ai.

Ndryshe, SHBA-ja i ka vendosur sanksione të reja kompanisë ruse të karburanteve, Lukoil, ku kjo e fundit ka shumicën e aksioneve në industrinë e naftës së Serbisë (NIS). 

The post SHBA vendos sanksione ndaj kompanive ruse të naftës, Vuçiq zhvillon konsultime me ambasadorin rus në Serbi appeared first on ATV.