Shkarkimi i zëvendësministrit, Duda Balje: Hakmarrja nuk ka nisur, veç ka vazhduar

Deputetja Duda Balje, ka reaguar pas vendimit për shkarkimin e Elldin Uglarit nga pozita e zëvendësministrit në detyrë të Zhvillimit Rajonal.

Në një postim në profilin e saj në Facebook, Balje ka shprehur pakënaqësinë ndaj këtij vendimi, duke theksuar se “hakmarrja nuk ka nisur, por vetëm ka vazhduar”. Ky reagim vjen menjëherë pas publikimit të vendimit për shkarkimin e Uglarit, i cili është edhe anëtar i SDU-së, parti e cila drejtohet nga Balje. Kjo lëvizje e kryeministrit në detyrë mund të ketë ardhur pasi deputetja kishte deklaruar publikisht se nuk ka votë për Qeverinë “Kurti 3”./Klank