Trupat izraelite tërhiqen nga korridori që ndau në dysh Gazën

Trupat izraelite janë tërhequr nga Korridori Netzarim, një zonë ushtarake që “ndan” veriun e e Gazës nga jugu.

Qindra palestinezë në makina dhe karroca të ngarkuara me dyshekë dhe mallra të tjera filluan të kthehen në Gazën veriore pas tërheqjes.

Tërheqja izraelite është në përputhje me marrëveshjen e armëpushimit Izrael-Hamas të 19 janarit, sipas së cilës deri më tani janë liruar 16 pengje izraelite dhe 566 të burgosur palestinezë.

Deri në fund të fazës së parë të armëpushimit pas tre javësh, pritet të jenë liruar 33 pengje dhe 1900 të burgosur. Izraeli thotë se tetë nga 33 janë të vdekur.

Hamasi kapi 251 pengje dhe vrau rreth 1200 njerëz kur sulmoi Izraelin më 7 tetor 2023, duke shkaktuar luftën në Gaza.

Të paktën 48,189 palestinezë janë vrarë në ofensivën e Izraelit, sipas ministrisë së shëndetësisë së Gazës, e drejtuar nga Hamasi. Rreth dy të tretat e ndërtesave të Gazës janë dëmtuar ose shkatërruar nga sulmet e Izraelit, thotë OKB./abcnews.al