Vjosa Osmani pasi ja hedhi vallës në Shkodër: Faleminderit për mikpritjen e ngrohtë, Shkodra i ka dhënë shumë kombit shqiptar

Presidentja e Kosovës, Vjosa Osmani, ka vizituar Shkodrën sot, për nder të festës së 28 Nëntorit, ku është takuar me disa liderë të Shqipërisë.

Në një postim në Facebook, Osmani ka falënderuar qytetarët e Shkodrës për mikpritjen dhe ka shprehur mirënjohjen e saj për kryetarin e Bashkisë, Benet Beci.

“Faleminderit për mikpritjen e ngrohtë në Shkodrën e kulturës, besës dhe qëndresës shqiptare, Kryetar Beci! Kënaqësi që Shkodrën ta vizitojmë në prag të 28 Nëntorit, Ditës së Flamurit, ditës që i bashkon në një zemër të vetme të gjithë shqiptarët, kudo që janë,” ka shkruar Osmani.

Ajo theksoi gjithashtu kontributin e Shkodrës për kombit shqiptar, duke e cilësuar atë si djep të traditës dhe identitetit kombëtar.

“Shkodra i ka dhënë kaq shumë kombit shqiptar dhe ka qëndruar gjithmonë si djep i traditës dhe i identitetit tonë kombëtar.”, thuhet tutje në postim.