Eksperimenti që ‘eklipsoi’ energjinë elektrike/ “The Telegraph” zbulon shkakun e ‘Black Out-it’ masiv në Spanjë

Autoritetet spanjolle duket se kanë kryer një eksperiment për të testuar ‘kufijtë’ e varësisë nga energjia e rinovueshme para se të ndodhte ndërprerja masive e energjisë që tronditi Gadishullin Iberik muajin e kaluar, sugjeron një raport i “The Telegraph”.

Ndërkohë që shumë njerëz po presin përgjigje për shkakun e ndërprerjes së energjisë që preku  miliona njerëz në Spanjë dhe Portugali, disa po e vënë në dyshim varësinë e madhe të Spanjës nga burimet e energjisë së rinovueshme, duke e parë këtë si një problem për planin e saj për të hequr reaktorët bërthamorë nga përdorimi deri në vitin 2027.

Kryeministri socialisti i Spanjës, Pedro Sánchez, e ka kundershtuar këtë kritikë, duke kërkuar durim ndërsa qeveria heton shkakun e këtij tërmeti historik të energjisë. Autoritetet e lidhën ndërprerjen me një rënie të theksuar dhe të paprecedentë të prodhimit të energjisë.

Megjithatë, tani ka dalë hipoteza se qeveria spanjolle mund të ketë qenë duke kryer një eksperiment me qëllim testimin e kufijve të varësisë nga energjia e rinovueshme, ndërkohë që po përgatitej për fazën e largimit nga energjia bërthamore.

Në kohën kur ndodhi ndërprerja, operatori i rrjetit të energjisë i Spanjës, Red Eléctrica de España, tha se kolapsi ishte shkaktuar nga dy ndërprerje të mëdha të energjisë.

Kreu i Shoqatës Spanjolle të Energjisë Fotovoltaike, José Donoso, kishte bërë një sugjerim të ngjashëm më herët këtë muaj, duke thënë për median 20Minutos: “Është një çështje logjike; fakti që sistemi i tërë shuhen për shkak të një centrale fotovoltaike nuk ka kuptim.” Ai shtoi: “Ne vuajtëm pasojat e një ndërprerjeje të rrjetit, por nuk e shkaktuam atë.”

Në prill, ndërprerja e energjisë që goditi Spanjën dhe Portugalinë u cilësua si një nga ndërprerjet më të mëdha të energjisë në Evropë, duke ndodhur pasdite më 28 prill dhe duke vazhduar deri natën, duke prekur dhjetëra milionë njerëz.

Kjo ndërprerje ka shkaktuar mbylljen e zyrave dhe ka shkaktuar trafik në Madrid dhe Lisbon. Shërbimet hekurudhore në të dyja vendet u ndalën, duke ndërprerë biznese, spitale, sisteme të transportit, rrjetet celulare dhe infrastrukturë tjetër kritike.

Shërbimet e urgjencës dhe punonjësit e hekurudhave në Spanjë ishin të detyruar të ndihmonin në evakuimin e rreth 35,000 njerëzve nga më shumë se 100 trena që ndaluan në shina kur u ndërpre energjia.

Një muaj pas ndërprerjes masive të energjisë, Spanja prodhoi rreth 57% të energjisë elektrike të vitit 2024 nga burime si era, energjia hidroelektrike dhe diellore, sipas Red Eléctrica. Rreth 20% e energjisë vinte nga centralet bërthamore. / abcnews.al