Fetai, pasi Mickoski tha se VLEN s’do të ketë dy resorë: Duhet të na japë edhe një ministri, sepse Mexhiti mbante dy poste
VLEN konsideron se duhet të marrë dy pozicione në rikonstruimin e kabinetit të kryeministrit Mickoski sepse Mexhiti, i cili tani është bërë kryetar Komune, në Qeveri mbante dy pozicione, zëvendëskryeministër dhe ministër i Mjedisit, thotë zëvendëskryeministri Arben Fetai, transmeton Portalb.mk. “Pas zgjedhjes së Mexhitit si kryetar komune i Çairit, Bekim Sali duhet të marrë vendin […]
VLEN konsideron se duhet të marrë dy pozicione në rikonstruimin e kabinetit të kryeministrit Mickoski sepse Mexhiti, i cili tani është bërë kryetar Komune, në Qeveri mbante dy pozicione, zëvendëskryeministër dhe ministër i Mjedisit, thotë zëvendëskryeministri Arben Fetai, transmeton Portalb.mk.
“Pas zgjedhjes së Mexhitit si kryetar komune i Çairit, Bekim Sali duhet të marrë vendin e tij. Siç e dini, Mexhiti mbante dy pozicione në Qeveri. Ne besojmë se duhet të propozojmë edhe një emër, ministër i Mjedisit dhe zëvendëskryeministër”, tha Fetai
Megjithatë, ai është i vetëdijshëm se ky do të jetë vendimi i kryeministrit, me të cilin pret të kenë takim për të diskutuar këtë temë.
Mickoski tashmë ka njoftuar se nuk planifikon ministri të re për VLEN-in, por ai gjithashtu la hapësirë që kjo temë të diskutohet në takimin midis partnerëve të koalicionit.
Lidhur me informacionin se pas largimit të Mexhitit si kryetar i komunës së Çairit, partneri i koalicionit VLEN propozoi Bekim Salin si zëvendëskryeministër të parë dhe se një person tjetër do të emërohej si ministër i mjedisit jetësor dhe planifikimit hapësinor, Mickoski disa ditë më parë tha se ky ishte vendim i partnerit të koalicionit dhe se kjo nuk do të thotë se do të ketë më shumë hapësirë në kabinetin qeveritar.
“Mirë, kjo nuk do të thotë se do të ketë më shumë resore. Ky është vendim i partnerit tonë të koalicionit. Kam mendim të lartë për Bekim Salin. Absolutisht, nuk duhet të kemi asnjë dilemë këtu. Por kjo nuk do të thotë se do të ketë më shumë hapësirë në kabinetin qeveritar”, tha Mickoski, duke iu përgjigjur pyetjeve gazetareske në komunën e Petrovecit.
Bekim Sali prej disa muajsh përmendet si emër i mundshëm për të zëvendësuar Mexhitin në postin e zëvendës kryeministrit të parë.
Mexhiti, i cili ishte zëvendëskryeministër i parë, fitoi në rrethin e parë për kryetar të komunës së Çairit më 4 nëntor edhe zyrtarisht mori përsipër postin.
