Edi Rama fton novatorët estonezë në Shqipëri: “Këtu nuk kemi simpati për Putinin”
Kryeministri Edi Rama ftet novatorët estonezë të vizitojnë Shqipërinë
Gjatë vizitës në Estoni, Edi Rama ka mbajtur një deklaratë të përbashkët me kryeministrin estonez Kristen Michal, duke theksuar se Shqipëria mund të jetë një destinacion ideal për inovatorët e këtij vendi. Rama ka cilësuar Estoninë si një model për Shqipërinë në fushën e përparimit teknologjik dhe inovacionit.
Në një mesazh të qartë drejtuar qytetarëve estonezë, kryeministri shqiptar ka theksuar se Shqipëria nuk ka simpati për Vladimir Putin, duke i ftuar ata të vizitojnë vendin tonë për të parë potencialin e tij në sektorin e teknologjisë dhe inovacionit.
“Këtë qytet e kam imagjinuar gjithmonë si laborator të së ardhmes, që shkruhet dita-ditës. Dua thjesht t’u them qytetarëve estonezë, që kemi admirim të plotë për ta, sepse në vend që të jetojnë në një muze, ata kanë vendosur të jetojnë në të ardhmen. Kjo e bën Estoninë atë vendin që shkëlqen në majë të kodrës, sidomos për një vend si Shqipëria, pasi jemi të vegjël, dhe kemi nevojë për shembuj të tilla. Me ju jo vetëm që kërkojmë bashkëpunim, por kërkojmë atë udhërrëfyes estonez, dhe jam shumë mirënjohës që na thatë se jeni gati të prisni njerëzit tanë, të vijnë më shpesh, të mësojnë prej jush, sidomos në nivelin e sektorit arsimor, duke nisur me fëmijët, për t’u dhënë instrumentet që ta çojnë vendin në një tjetër nivel”, ka thënë Edi Rama.
Kryeministri ka shtuar se Shqipëria dhe Estonia janë të bashkuara jo vetëm përmes anëtarësimit në NATO, por edhe përmes refuzimit të tyre për të lejuar ndërhyrjen e fuqive të huaja në demokracitë e tyre. Ai ka theksuar se lidhjet ekonomike midis dy vendeve po rriten, duke përmendur rritjen e fluturimeve direkte dhe interesin e estonezëve për të vizituar Shqipërinë që nga viti 2023.
“Është afërmendsh që ne duam të sigurohemi, që edhe rrugëtimi ynë drejt 2030 të shtrohet me të njëjtin inovacion që e ka bërë Estoninë, markë globale. Kemi 95 për qind të shërbimeve tona online, dhe duam të vijojmë përpara me AI-në. Shqipëria dhe Estonia janë shumë të bashkuara, jo vetëm nga NATO, por edhe refuzimi për të lejuar fuqitë e huaja që të minojnë demokracitë tona. Lidhjet tona ekonomike po rriten. Ju përmendet fluturimin e drejtpërdrejtë. Është kënaqësi të shohësh trefishimin estonezëve që vijnë qysh prej 2023, që gjejnë diell. Nuk kemi simpati për Putinin atje, kështu që do të ndiheni si në shtëpi. Duam të shohim novatorët teknologjik estonez, që të hedhin sytë nga Teknologjia e Informacionit dhe Komunikimit në Shqipëri”, ka shtuar Edi Rama.
Me pak fjalë
Gjatë vizitës në Estoni, kryeministri shqiptar Edi Rama ka ftuar novatorët estonezë të vizitojnë Shqipërinë, duke theksuar potencialin e vendit në fushën e teknologjisë dhe inovacionit. Ai ka theksuar se Shqipëria dhe Estonia janë të bashkuara në refuzimin e ndërhyrjes së huaj në demokracitë e tyre dhe kanë lidhje ekonomike në rritje.
Personat e përmendur
- Edi Rama - Edi Rama
- Kristen Michal - Kristen Michal
- Vladimir Putin - Vladimir Putin
Burimi i lajmit: opinion.al
Shënim: Ky material është përpunuar për qëllime informimi nga Portali Kosova.Today.
