Remzie Osmani dhe Nexhati e ndezin atmosferën në Big Brother – të ftuar në dasmën e Gjestit me Eglin janë edhe disa ish-banorë

Një atmosferë e zjarrtë po mbretëron në natën e sotme (e hënë) në Big Brother VIP Albania.

Kjo pas organizimit të dasmës, ku Gjesti dhe Egli Tako, kanë kurorëzuar dashurinë e tyre me martesë.

Në dasmë për një atmosferë të mrekullueshme është ftuar artistja Remzie Osmani së bashku me vëllanë e saj, Nexhatin.

Ata kanë interpretuar disa nga hitet e tyre më të mëdha, ku të ftuarit kanë kërcyer e janë argëtuar bashkë.

Të ftuar janë edhe disa ish-konkurrentë si: Livia Brunga, Valbona Mhilli, Loredana Brati, Krisa Çaushi, Tiri Gjoci, Shkëlzen Oruçi etj.

Çifti po ashtu shkëlqeu dhe i dhanë fjalën njëri-tjetrit për të qenë bashkë përgjithmonë.

Dukeshin të emocionuar, por edhe shumë të lumtur për këtë hap të rëndësishëm të tyre në jetë. /Telegrafi/