Viktor Buzhala emërohet zëvendësministër në MPB

Kryeministri i Kosovës, Albin Kurti, ka emëruar Viktor Buzhalën në pozitën e zëvendësministrit në Ministrinë e Punëve të Brendshme, të cilën e drejton Xhelal Sveçla.

Lajmi është bërë i ditur përmes një njoftimi nga Zyra e Kryeministrit.

Sipas njoftimit, Kurti e ka uruar Buzhalën për detyrën e re, duke i dëshiruar suksese në përmbushjen e përgjegjësive që i janë besuar.

“Kryeministri i Republikës së Kosovës, Albin Kurti, ka emëruar z. Viktor Buzhala në pozitën e zëvendësministrit në Ministrinë e Punëve të Brendshme. Kryeministri Kurti e uroi z. Buzhala për detyrën e re dhe i dëshiroi suksese në përmbushjen e përgjegjësive të reja.”, thuhet në njoftimin e ZKM-së.

Buzhala ka qenë kandidat për deputet nga radhët e Lëvizjes Vetëvendosje në zgjedhjet e fundit parlamentare.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.