Kasami: Dje premtim, sot punë, nisin punimet për terrenet multifunksionale sportive në Gjimnazin e Tetovës

Bashkëkryetari i VLEN-it dhe kryetari i Komunës së Tetovës, Bilall Kasami, ka bërë të ditur se kanë nisur punimet për ndërtimin e terreneve multifunksionale sportive në hapësirat e Gjimnazit të Tetovës.

Përmes një postimi në Facebook, Kasami ka publikuar pamje nga terreni, duke theksuar se premtimi është kthyer shpejt në punë konkrete.

“Dje premtim, sot punë, shumë shpejt e realizuar!”, shkruan Kasami, duke nënvizuar se investimi synon krijimin e kushteve më të mira për nxënësit dhe të rinjtë e Tetovës.

Sipas tij, terrenet e reja do të ofrojnë hapësira më të përshtatshme për sport dhe rekreacion, duke i dhënë nxënësve mundësi më të mira për aktivitete sportive.

“Punë konkrete, investime konkrete dhe hapësira më të mira për sport e rekreacion!”, ka shkruar Kasami, duke e shoqëruar postimin me fotografi nga fillimi i punimeve.

Investimi në infrastrukturën sportive të shkollave është pjesë e përpjekjeve për përmirësimin e kushteve për të rinjtë dhe krijimin e hapësirave funksionale për sport dhe aktivitete rekreative në Tetovë.

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.