Mashtrim masiv me kriptovaluta në Maqedoni: Qindra qytetarë ranë pre e skemës së fitimeve të rreme!

Një grua 56-vjeçare nga Manastiri dhe një shtetas 38-vjeçar nga Estonia dyshohen se kanë mashtruar qindra qytetarë të Maqedonisë së Veriut, duke i joshur të investojnë para në një platformë të rreme interneti.

Sipas Ministrisë së Punëve të Brendshme, gjatë periudhës dhjetor 2025 – prill 2026, të dyshuarit kanë përdorur një aplikacion celular me qindra abonentë, duke premtuar fitime të larta që nuk janë realizuar.

Policia ka pranuar pesë denoncime, por analizat e transaksioneve bankare tregojnë se numri i qytetarëve të dëmtuar mund të jetë shumë më i madh, pasi shumica nuk e kanë raportuar rastin.

Pas një hetimi disamujor, në bashkëpunim me institucione vendase dhe ndërkombëtare, janë identifikuar të dyshuarit dhe janë analizuar pajisjet elektronike e transaksionet me kriptovaluta.

Ndaj M.K. (56) nga Manastiri dhe A.S. (38) nga Estonia është ngritur kallëzim penal për mashtrim.

MPB u bën thirrje qytetarëve të mos bien pre e premtimeve për pasurim të shpejtë në internet, veçanërisht përmes platformave të dyshimta që ofrojnë fitime të garantuara nga kriptovalutat.

The post Mashtrim masiv me kriptovaluta në Maqedoni: Qindra qytetarë ranë pre e skemës së fitimeve të rreme! appeared first on InfoShqip.com.

Burimi i lajmit: infoshqip.com
Shënim: Ky material është përpunuar për qëllime informimi nga Portali Kosova.Today.