“Ik qërohu që këtej,” minatorët përzënë nga protesta Oerd Bylykbashin

Një situatë e sikletshme ka ndodhur për deputetin demokrat Oerd Bylykbashin. Teksa ka tentuar t’i bashkohet protestës së pensionistëve dhe të minatorëve, i është kërkuar menjëherë të largohet.

“Ik qërohu që këtej,” dëgjohet teksa thotë një i moshuar.

Sipas protestuesve, kjo nuk është një kauzë politike, prandaj nuk do të pranojnë asnjë figurë politike.

Pensionistët dhe minatorët janë ngritur në protestë dhe kërkojnë rritjen e pensioneve, por edhe miratimin e statusit të minatorit.

Ata kërkuan të futen edhe në seancë, por policia krijoi një kordon sigurie para parlamentit dhe për këtë arsye ka pasur dhe përplasje me forcat e  rendit.

Një nga të moshuarit nga tensioni i krijuar është ndjerë keq  dhe ka rënë përtokë, ndërsa qytetarët i kanë ardhur në ndihmë.

The post “Ik qërohu që këtej,” minatorët përzënë nga protesta Oerd Bylykbashin appeared first on Newsbomb Albania.