Samiti i BE në Tiranë, Fuga liston 11 kërkesa që duhen rinegociojmë për integrimin

Akademiku Artan Fuga thotë se Shqipëria duhet të rinegociojë disa parametra të procesit të integrimit.

Me anë të një postimi në rrjetet sociale, Fuga ka listuar 11 kërkesa për Samitin e BE që do të mbahet në Tiranë këtë të hënë.

Ai u shpreh Shqipëria duhet të përmirësohet, por edhe të kërkojë të riparohen disa gjëra që na pengojnë.

Në listë, akademiku përfshin kuotat e punësimit disavjeçar për shqiptarët në BE, kuota për prodhime shqiptare, kuota për prodhime shqiptare cilësore në të gjithë tregjet evropiane apo këmbimin e monedhës shqiptare, lekut, me evron, në pikat e shkëmbimit të parasë në vendet evropiane.

Postimi i plotë:

Njëmbëdhjetë kërkesa për Samitin e BE të mirëseardhur në Shqipëri!
Përpara Samitit evropian, unë e marr përgjegjësinë e plotë për të thënë se Shqipëria duke mbajtur fort rrugën për integrim evropian, pa hezitime dhe lojra, duhet të rinegociojë disa parametra të procesit të integrimit.
Nuk mund të jenë vetëm parimore, vetëm dogmatike, vetëm të njëanshme, dhe të paluejtëshme sikurse mendoheshin tridhjet vjet më parë.
Shqipëria duhet të përmirësohet, por edhe të kërkojë të riparohen disa gjëra që na pengojnë:

1. 1. – Kuota punësimi disavjeçare për puntorë shqiptarë në vendet evropiane
      2. – Kuota për prodhime shqiptare cilësore në të gjithë tregjet evropiane
      3. – Këmbim i monedhës shqiptare, lekut, me evron, në pikat e shkëmbimit të parasë në vendet evropiane
      4. – Krijimi i zonave të lira ekonomike në Shqipëri me shkëmbim politikash evropiane për investime strukturore në Shqipëri
      5. – Financimi i disa produkteve bujqësore sipas standardeve të mbështetjes të bujqësisë evropiane
      6. – Cdëmtimi financiar i BE për Shqipërinë për çdo person me shkollë të lartë që punësohet në një vend evropian. Pra shlyerja nga ato shtete të shpenzimeve të shkollës së lartë.
      7. – Krijimi i një banke strategjike Shqipëri – BE për depozita për emigrantët shqiptarë në vendet e BE
      8. – Njohje e viteve të punës në Shqipëri për cdo emigrant që përfiton pension në një nga vendet e BE.
      9. – Njohja e gjuhës shqipe si gjuhë e huaj fakultative së paku në dhjetë universitete evropiane
      10. – Një qendër kulturore evropiane në Tiranë me buxhete të BE
      11. – E drejtë qendrimi jo tre, por gjashtëmujore pa vizë në hapësirën e BE për qytetarin shqiptar!

The post Samiti i BE në Tiranë, Fuga liston 11 kërkesa që duhen rinegociojmë për integrimin appeared first on Newsbomb Albania.