Një i vdekur dhe pesë të plagosur në një koncert Open Air në Aarau

Mbrëmë në një aktivitet muzikor në zonën Schachen të Aaraut u dëgjuan të shtëna armësh. Raportet fillestare tregojnë se një person ka vdekur dhe pesë të tjerë janë plagosur, disa rëndë, transmeton albinfo.ch. Një prani e madhe policore ishte në vendngjarje.

Sipas policisë kantonale të Aargaut, viktima e ndjerë është një grua 22-vjeçare. Ajo ka vdekur në vendngjarje. Katër burra dhe një grua, të moshës midis 24 dhe 27 vjeç, pësuan lëndime nga të lehta deri në serioze. Ata janë aktualisht në spital. Të gjitha viktimat banojnë në Zvicër.

Një linjë telefonike është krijuar për të afërmit dhe dëshmitarët okularë.

Pascal Wenzel, zëdhënës për median i policisë kantonale të Aargaut, i tha agjencisë së lajmeve Keystone-SDA në vendngjarje se raporti për të shtënat u mor nga policia pak pas orës 2:30 të mëngjesit. Policia dhe shërbimet e shpëtimit u dërguan më pas. Një helikopter u dërgua gjithashtu.

Një zëdhënës për median i policisë kantonale të Aargaut konfirmoi se operacioni policor “është i vendosur në pistën e garave me kuaj”.

Një rave (mbrëmje me muzikë techno, nën qiell të hapur) u zhvillua atje të dielën në mbrëmje. Artisti house dhe techno Henri Bergmann performoi në këtë aktivitet.

The post Një i vdekur dhe pesë të plagosur në një koncert Open Air në Aarau appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.