Korçë/ 14-vjeçari i plagosur rëndë dërgohet te ‘Trauma’, sherri nisi në rrjetet sociale

Një 14 vjeçar është plagosur rëndë mbrëmjen e djeshme në Korçë, ndërsa mëngjesin e sotëm është transportuar në spitalin e Traumës.

Adoleshenti është goditur me sende të forta pas një sherri me një grup të rinjsh të tjerë. Sherri ka nisur fillimusht në rrjetet sociale e më pas ka përfunduar në konflikt fizik.

Mësohet se policia ka marrë në pyetje 15 të mitur të moshave 13 deri në 15 vjeç. Por duke qenë se grupi i të përfshirëve ka qenë i madh, ende nuk është përcaktuar përgjegjësia individuale penale për asnjë nga të shoqëruarit.

Nga ana tjetër mësohet se marrja në pyetje e të miturve është bërë nën shoqërinë e prindërve dhe psikologes.

Për  veprat penale me pasojë plagosje dhe vrasje, përgjegjësia penale fillon që në moshën 14-vjeç, sipas kodit penal shqiptar.

The post Korçë/ 14-vjeçari i plagosur rëndë dërgohet te ‘Trauma’, sherri nisi në rrjetet sociale appeared first on Ditar.al.