Pagoi 120 mijë euro tek Dumani për të vrarë ish gruan, Apeli merr vendimin për avokatin Alban Bengasi

Gjykata e Posaçme e Apelit ka marrë vendimin për Alban Bengasin, avokatin e akuzuar nga SPAK, se pagoi 120 mijë euro tek Nuredin Dumani, për të dhunuar dhe eleminuar ish-bashkëshorten.

Sipas vendimit Bengasi do vijojë të qëndrojë në burg, pasi gjykata refuzoi kërkesën e tij për masë më të butë sigurie, duke miratuar Shkallën e parë, e cila kishte caktuar arrest në burg.

Avokati kërkoi masë me të lehtë sigurie me pretendimin se Nuredin Dumani është mashtrues dhe se me ish bashkshoten ka marrëdhënie të mira, ku sipas tij akuzat e ngritura nuk qëndrojnë.

Ai kerkoi t’i hiqej masa e arrestit me burg, kundrejt garancisë pasurore, por kerkesa e tij u rrëzua nga Apeli i Posaçëm.

Bengasi ishte në kërkim që prej Majit të vitit 2022, ku u zhvillua operacioni “Plumbi i Arte”, pas dëshmisë së vrasësit me pagesë, tashma bashkëpunëtor i drejtësisë, Nuredin Dumani, i cili u rrëfeu hetuesve se avokati ia kishte ofruar fillimisht shumën monetare atij, por për shkak se ishte femër nuk kishte pranuar.

Dumani vazhdon në rrëfimin e tij, duke pretenduar se kërkesën e avokatit e kishte plotësuar shtetasi Eljo Bitri, duke e goditur atë në fytyrë me grushte. Avokati Alban Bengasi, iu vetëdorëzua drejtësisë rreth një muaj më parë pas më shumë se 1 viti në arrati.

The post Pagoi 120 mijë euro tek Dumani për të vrarë ish gruan, Apeli merr vendimin për avokatin Alban Bengasi appeared first on Ditar.al.