Prokuroria i përgjigjet KQZ-së për Kokoneshin dhe Ismailajn: S’preken nga ligji i dekriminalizimit

Para zgjedhjeve të 14 majit, opozita bëri një denoncim se Qerim Ismailaj dhe Fredi Kononeshi kane qenë të dënuar dhe se preken nga dekriminalizimi.

Në lidhje me këtë Prokruroria e Përgjithshme i ka kthyer përgjigje Komisionit Qëndror të Zgjedhjeve. Në përgjigje bëhet me dije se kryebashkiaku i Divjakës, Fredi Kokoneshi dhe kryebashkiaku i Mallakstrës, Qerim Ismailaj nuk preken nga ligji i dekriminalizimit.

“Sektori i Dekriminalizimit pranë Prokurorisë së Përgjithshme, ka dërguar në Komisionin Qendror të Zgjedhjeve, vendimin Subjekti vetëdeklarues Fredi Pandi Kokoneshi, me detyrë, kryetar i Bashkisë Divjakë, nuk përfshihet në fushën e veprimit të nenit 2 të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.

Deklarues, Z. Qerim Ismail Ismailaj, Kryetar i Bashkisë Mallakastër, Qarku Fier, i propozuar nga subjekti zgjedhor Partia Socialiste, për zgjedhjet për organet e qeverisjes vendore të datës 14 Maj 2023, nuk përfshihet në fushën e veprimit të nenit 2 të ligjit 138/2015, “Për garantimin e integritetit të personave që zgjidhen, emërohen ose ushtrojnë funksione publike”, thuhet në përgjigjen e Prokurorisë.

Qerim Ismailaj i dënuar nga GJKKO

Kryetari i Bashkisë së Mallakastrës, Qerim Ismailaj është dënuar nga GJKKO me 6 muaj burg, dënim i cili iu konvertua me 40 orë pune për interes publik, me akuzën për “Falsifikimi i vulave, i stampave ose i formularëve”.

Ismailaj është dënuar nga GJKKO për falsifikim dokumentesh, pasi ai ka rezultuar i dënuar në Greqi në vitin 1999. Ai nuk e kishte deklaruar këtë në formularin e dekriminalizimit, por ka thënë se s’ka qenë në dijeni të këtij dënimi që ka marrë në shtetin grek.

Akuzat për Fredi Kokoneshin

Kokoneshi dyshohet se ka qenë i përfshirë në veprimtari kriminale të trafikimit të qenieve njerëzore dhe prostitucion gjatë periudhës që ka qendruar në Itali.

Vetë Kokoneshi reagoi kohë më parë për këto akuza duke i mohuar, teksa i cilësoi si shpifje nga ana e opozitës, pasi ai nuk ka lejuar grabitjrn e pronave në bregdetin e Divjakës.

The post Prokuroria i përgjigjet KQZ-së për Kokoneshin dhe Ismailajn: S’preken nga ligji i dekriminalizimit appeared first on Newsbomb Albania.