Salianji bën propozimin për të bashkuar PD: Duhet rithemelim dhe një logo e re

Deputeti Ervin Salianji ka dhënë mendimin e tij se si mund të dilet nga kriza 2 vjeçare që ka përfshirë PD-në, duke sugjeruar një rithemelim dhe një emër të ri për partinë.

Ai tha se ka shumë parti politike në Perëndim, që për shkak të qëndrimeve të ndryshme mund ta kenë dëmtuar logon e partisë së tyre, të cilat transformohen dhe marrin një emër të ri.

Salianji, i cili është pjesë e tryezës së Bardhit dhe Berishës foli në një intervistë në A2CNN, ndërsa tja se nuk e ka bërë ende këtë propozim në mbledhjet e përbashkëta të dy grupeve të deputetëve, Berisha e Bardhi.“Kushdo që e shikon të renë si problem, mendoj që e ka gabim. Shoqëria ka nevojë për diçka të re në thelb. PD dhe opozita kanë nevojë për ndryshim.
Kanë nevojë për t’u ridimensionuar, për t’u ribërë, për t’u rikonceptuar, për t’u hapur drejt njerëzve të rinj, për të krijuar mundësinë që kapacitet profesionale, apo njerëz që kanë reputacion publik të përfshihen në atë parti, për të përfshirë njerëz të rinj të cilët duan që angazhimin e tyre dhe kontributin për vendin ta japin diku, por mund t’i shohin sot rrugët e mbyllura. Nuk ka asnjë problem, madje nëse ka konkurrencë, edhe unë besoj që do tentoj të performoj më mirë. Gjithsecili nuk është e thënë që duhet të jetë gjithë jetën deputet, apo të jetë gjithë jetën në drejtim. E rëndësishme sot ë këto kushte përballë një regjimi, që të krijohet një front opozitar. Kjo duhet të vijë, duke u rikonceptuar së pari PD-ja dhe PD-ja duhet të transformohet në një emër të ri. Ka shumë parti politike në Perëndim dhe të djathta, pjesë e PPE që për shkak të qëndrimeve të ndryshme që mund ta kenë dëmtuar logon e partisë së tyre, transformohen dhe marrin një emër të ri”.

“Sot ne jemi në kushtet kur PD-ja për shkak të betejës…jo nuk ia lëmë logon atij (Bashës). Po them tjetër gjë, që PD-ja të transformohet në një emër tjetër dhe nuk ekziston më PD-ja e tij, sepse kjo PD transformohet në një emër tjetër.
Nëse ndodh që gjatë gjithë kohës PD-ja, prej thuajse 2 vitesh që diskutojmë me njeri-tjetrin ka marrë me të drejtë apo të padrejtë kosto të caktuar edhe drejtues të PD-së, gjithsecili prej nesh mund të ketë marrë kostot, të riprovohemi, ta ribëjmë dhe ta ringremë opozitën dhe PD-në me një emër tjetër, duke i dhënë komplet…mos ta bëjmë më këtë diskutimin, kush është ndihmës qeveritar, të bëhet qartësisht ndarja dhe kushdo që do të rrijë të bashkohet.
Koha ka ardhur që ta formalizojmë që të bëjmë transformimin e PD-së. Ne jemi PD-ja sepse ne na kanë votuar njerëzit. Në këtë kuptim nuk ka më diskutim për legjitimitetin. Ligjshmëria është gjë tjetër, e ka Edi Rama”, deklaroi Salianji.

The post Salianji bën propozimin për të bashkuar PD: Duhet rithemelim dhe një logo e re appeared first on Ditar.al.