Me urdhëresë gjyqësore, arrestohet një person për sulm seksual në Gjilan

Drejtoria rajonale e Policisë Gjilan, Stacioni Policor në Gjilan me datën 18.10.2023 në kuadër të planit operativ për realizim të urdhëresave gjyqësore ka arrestuar një person me inicialet S.R. viti i lindjes 2000.

Sipas një njoftimi për media bëhet e ditur se ai ishte i kërkuar në bazë të urdhëresës së lëshuar nga Gjykata Themelore Prishtinë me dënim burgimi prej një viti për veprat penale ‘’Sulm seksual’’.

“Pas përfundimit të procedurave i njëjti është dërguar në vuajtje të dënimit.

Drejtoria rajonale e Policisë në Gjilan do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave”, thuhet në njoftim.