Pezullohen lundrimet e trageteve Durrës-Bari, shkak moti i paqëndrueshëm

Në vendin tonë pritet një mot i paqëndrueshëm, që do të përfshijë kryesisht rajonin e Adriatikut.

Për këtë arsye, Autoriteti Portual në Durrës ka njoftuar anulimin e përkohshëm të lundrimeve dhe të lundrimeve që do të niseshin në mbrëmje.

Njoftohet se do të pezullohen lundrimet e trageteve Durrës-Bari dhe anasjelltas, ndërsa lundrimet drejt Ankonës do të vijojnë normalisht.

Njoftimi:

Si pasojë e motit të paqëndrueshëm që pritet të përfshijë rajonin e Adriatikut, kompanitë e lundrimeve kanë njoftuar se mbrëmjen e sotme do të pezullohen lundrimet e trageteve nga Durrësi drejt Barit(Itali) dhe anasjelltas.

Referuar parashikimeve të autoriteteve detare forca e erës do të shkojë deri në 30 m/s, ndërsa dallgëzimi në det të hapur do të variojë nga  7-8 bft.

Jemi në vigjilencë të plotë për monitorimin e situatës deri në rikthimin në normalitet të kushteve të motit.

*Lundrimet drejt Ankonës do të vijojnë normalisht.

The post Pezullohen lundrimet e trageteve Durrës-Bari, shkak moti i paqëndrueshëm appeared first on Ditar.al.