Ministrja e Jashtme gjermane: Provokimet e palës serbe nxehën situatën në Banjskë

Ministrja e Jashtme e Gjermanisë Annalena Baerbock ka reaguar nga mbledhja e ministrave sot të mbajtur në Tiranë, ku ka kërkuar hetim nga Serbia për sulmin në veri të Kosovës në 24 shtator.

Ajo e ka cilësuar sulmin e Serbisë në Kosovë, si tinëzar të organizuar nga një bandë tërroriste.

“Eshtë kënaqësi që Procesi i Berlinit zhvillohet tani në rajon, aty ku është në shtëpinë e vet. Është e qartë që e ardhmja e të rinjve të këtij rajoni është në Evropë. Duhet të përshpejtojmë ritmin e anëtarësimit në BE.

Ajo që ndodhi në Kiev na e bëri më të qartë që anëtarësimi i rajonit në BE është i domosdoshëm në aspektin gjeopolitik.

Provokimet e palës serbe për rritjen e trupave në kufi me Kosovën e kanë tensionuar situatën. Kjo ndodh pas një sulmi tinëzar nga një bandë terroriste. Presim që Serbia të çojë më parë hetimin për sulmin e 24 shtatorit dhe ngjarjet e majit drejt ushtarëve të KFOR. Situata është aq e tensionuar saqë NATO ka rritur prezencën e KFOR. Çelësi i zgjidhjes së konfliktit është në Beograd dhe Prishtinë”, është shprehur ministrja.

The post Ministrja e Jashtme gjermane: Provokimet e palës serbe nxehën situatën në Banjskë appeared first on Ditar.al.